CRITHEIS

CRITHEIS

ut ex Ephoro refert Plut. in vita Homeri, filia Atellis, quam moriens in Maeonis fratris tutela reliquit. Hic aurem cum puellam vitiâsset, gravidamque fecisset, atque ob id facti vereretur infamiam, Phemio eam Smyrnaeo, Grammaticae praeceptori in matrimonium dedit. Illa vero non multo post Homerum peperit, qui Melesigenes prius dictus, et postea caecus factus Homeri nomen cepit. Aristoteles autem, l. 3. de poetica longe aliter haec narrat, ut et Pausanias, ubi de Melete.